الشعر الشعبي: الله يحفظك للشاعر عبدالله بن حموده الوهيبي

 الله يحفظك
عبدالله بن حموده الوهيبي


الله يحفظك لابغيتي تروحين
وأهل ٍ هلابك لابغيتي تجيني

شريان قلبي بك يرحب ملايين
ودمي ووريدي أنت يا محتويني

والجسم كله في يدك يا أريش العين
وحالي ومالي فدوتك ياضنيني

والعمر يا عمري بقسمه نصفين
لعيون حبك يا غلاي وحنيني

نصفه أنا بعطيك يا زين ألحين
ونصفه ترى أقساط كلما تجيني

ودك بقلبي دايم الدوم لي يزين
ويكبر مع الساعات في وسط عيني

واليوم يا خلي غدى الحال مسكين
من سبة فراقك وحربك عليني

إذا بغيت أشد يذبحني اللين
وإذا بغيت اللين تشتد فيني

محتار مدري كيف بنكون بعدين
مرتاح ولا نفس حالي حزيني

همي غدا من سبتك صار همين
والفرحة أنزاحت وعيّت تجيني

وألحين بستأذن أنا منك يازين
وأرجو من الرحمن يردك عليني