الشعر الشعبي: جرح وتنهيد للشاعرة هناء سليم

 جرح وتنهيد
هناء سليم


تمر وتاخذ بعمري بقايا الجرح والتنهيد
وتتركني هنا ذكرى تقطع كل شرياني

تمر وليتك تودع من الضحكه جرح هالعيد
تمر ومابقى فيني اضمد جرحي الثاني

انا فيني بقايا الجرح؟ لا والله جروحي تزيد
وانا كل الالم ساكن فقلبي وكل وجداني

اذا الليله تنسيني جرح باكر أفك القيد
واذا تاه الحزن مني جروحي ودها تعاني

اجي قاصد رضا قلبك تصد هناك عني بعيد
واذا أقفيت تناديني هواجس ردي من شاني

يرجعني أصل طيبي والاقي الطيب معك مايفيد
اجيك بكل مافيني وناري تدعي الجاني

إذا أنته قد هالكلمه وقد الحب بالتأكيد
ابيك تضمد جراحي وحظي يبتسم ثاني

وإذا منته بقد الشوق وقد العشق وشاللي تريد
اتركني هنا ذكرى تحطم كل وجداني