الشعر الشعبي: دمعة الحلوين للشاعر أيوب السعدي

 الشعر الشعبي: دمعة الحلوين
للشاعر أيوب السعدي

ألا واشلون أرقالك ألا واشلون لي ترقين
من عيوني إلى عيونك سجايا الحب ممتده..

أقدم للوفى ورده وأقدم للجفى سهمين
مدام الشوق في جوفي تغلغل قد وصل حده..

جلستي لحظه بقربي وقلتي للجفى بعدين
وأنا من حسنك أتعصر وطاحت من يدي الورده..

بغيت أفديك بعيوني ولكن دمعة الحلوين
تذوب وتنصهر بين العيون وتنهي المده..

خساره طافت اللحظه وأنا بينك وبين البين
أمر بعالم أشواقي وأكلم سيده وجنده..

عساهم ينظروا فيني تراني ع العشق عامين
صبرت وما نفع صبري // كبرت وشاخت الصده..

رقيق الحب لي مثلي هواجيسه على نهرين
يجي ويروح ثم يغرق وتيار الهوى ضده..

كما طفل(ن) فقد صبره تكسر وانتهى به وين
وقف والشوق يسريبه أخذه ولا أبد رده..