الشعر الشعبي: تشابهنا للشاعر رضوان الهاشمي

 الشعر الشعبي: تشابهنا
للشاعر رضوان الهاشمي


أبملامحنا تشابهنــا انا ويــاك يا عمــري
من يقول العين نامت قبل ماترحل الى ذاتك

خبريني حلم ليلك ليه نومه عانقه سحري
سحر ماقبل(ن) ٍ تأخر لا تسخّر بسْ لراحاتك

انشديها وانشدي روحن حساها ساوره صبري
عن غيابن جفت إعيوني سواته بعد غيباتك

ضامين ٍوالجوف نشّف،والهوى ضيّق قفص صدري
لا تشدي الهجر فيني أو تزيديها حساباتك

كم كتبتك في حساباتي وكم قلت الوقت بدري
وانتِي ياوقتي وكلّي مايفوتك وقت لو فاتك

لك سجل(ن) ٍ في خفوقي ماطويته والزمن يدري
لك قلبْ يسكن ظلوعي مانبض الا بآهاتك

لك ولك اشياء يا ظل(ن) ٍتبعته وين مايسري
البدايـــة لاسألتيني وفيّــة يا بــداياتــك

رحلتك وياي غيمة كلّ ماضمى سيلها يجري
رافقتني والظمى مرّه تلاشى بإرتواءاتك

واتصالك صوت,, بإحساسه تلبّس عطرك العذري
ودِّ\" يادفئ المشاعر تنسجيني في جراحاتك

آه يامحلا سواليف الغزل لو سامرت سهري
تنسج الضحكة دواخلنا و ِتعكسها ابتساماتك

شبِّ\" ياجمر المحبة ووأقظي من داخلي جمري
المحبة لو تميل اشوي عدلها استواءاتك

عطّري صفو الحكاية وأشعلي من نورها شعري
جمّليها في عيونك وأحمليها بين راحاتــك

أسجنيها بينَ أنفاسك سلاسل قبل ما ادري
وقدميها لي هدية انتشي منها فلــذاتــك

شايف الدنيا جميلة خطّها معصور فكري
لجل ترسمني قصيدة تنعزف سلوة لساعاتك

كلّ جرح(ن) ٍ في حياتك اشتريته والزمن يزري
لانك انتي بس جروحي لا شغلتيني بغاياتك

سافري فيني حقيقة وأعبري الساحل على بحري
لك سفينة غادرتني شوق تسعى لتجاهاتك

بوعدك مدّي عيونك في عيوني وأحزمي أمري
ما أنا بس صفحة(ن)نالت حناياها بصفحاتك