الشعر الشعبي: مهرة جموح للشاعر سعيد حارب الحبسي

 الشعر الشعبي: مهرة جموح
للشاعر سعيد حارب الحبسي

الشعر مهره جموح (ن) والفكر ميدانها
سرجها حرف (ن ) تحدر من مداد عروقها

وانا لي بين الأصايل مهرة من شانها
لصهلت قامت تغني من عذب منطوقها

لقبلت تفرد عضلها من جميع امتانها
تطلب الصعب المعنى والمسير يروقها

ما شكت كسر(ن) تعاني وما تخل اوزانها
مستقيمه وكل شي متفق مع ذوقها

من صواريها العفية لين دار لبانها
تنطري عند العرب وقت المسا وشروقها

حديتها منظومتي دام الفخر عنوانها
تلني بغيابها ف البعد جارف شوقها

الهنوف إللي تعلت ع البشر بوجانها
يوم ثارت ثم سارت طيحت من فوقها

و الصفات الطيبة بشكالها والوانها
مالكتها بإتفاقية ضمان حقوقها

شفت زهر الورد تثنى شجر واغصانها
حين مرت ما تحرت واذبلت من عوقها

خصرها من حال موجة ما تعرف اوطانها
لصبحت هي من شمالي جا الجنوب يسوقها

ل اقبلت شفت المنيه ساكنه بأعيانها
سهم جارح صوبته من لواحظ موقها

وعقدها إللي قد توسط نحرها ما زانها
هي تزينه من حلاها لاح نوض بروقها

يا حلاها في ضحكها والجمال اسنانها
كنها بيض الهنادي ما تعرف شفوقها

آه كم نفسي سجينة ما شكت سجانها
من نشدها كان قالت لا تفك وثوقها

اتركوها في عناها دام بنت عمانها
اعلنت حالة طواري صيحت في بوقها