الشعر الشعبي : برمجة فكرة للشاعر يحيى الوهيبي

 برمجة فكرة
للشاعر يحيى الوهيبي

علمتني طبع المحبه صدج وفنون الغرام
وأنا ترى قبلك ابد ماعرف كيف أديرها

من قبل أعرفك ياحبيبي كنت ضايع فالزحام
من زهره لزهره انا استنشق شذى عبيرها

واعيش للي تلتقيني بالخديعه والكلام
لين طابع خدعتي يغلب على تفكيرها

اجي لها عاشق صبابه بكل طيب واحترام
وارسم لها بالحب مملكتي وانا اميرها

وتصدق البنت الحكي وتقول والله يااااسلام
وتبرمج الفكره فعالم حسها وتصويرها

واضحك بناب الذيب اللي يفترس وقت الظلام
اصادق الدنيا نهار ووقت الظلام اغيرها

هذي حياتي عشتها عام عام بعد عام
والنفس عندي ماشيه على حسب تدبيرها

لين صادفة الجميله لي سبتني بابتسام
خزتني باهداب رمشن صرت انا اسيرها

بنتن غزتني بحسنها والقلب فيها صدق هام
يارب نفسي من بلى بنت الجمال تجيرها

والله قلبي من نظرهاعن هوى الخفرات صام
ماطاع يقبل غيرها بس ينتظر تقريرها

من يوم شفت الحسن لي فيها وعيني ماتنام
وكل مابقيت احكي لها تخون الجمل تعبيرها

كنه الاه الكون ارسلها تحطمني حطام
الرووح تهوااها ولا ترضى بديل بغيرها

يابنت وش بك علميني ليش انا زد الانام
كنت رااضي في حياتي بشرها وبخيرها

قالت ترى ماطار طيرن فالسماء حلق وحام
لابد جنحانه الزمن يأمر على تكسيرها