خلاص مــالـه داعـي الـلي تـقولـيه
مــاعــاد لــك فــي داخـلي أي حـاجـه
تــعبـت أحـلم والـوفـاء مـا تـراعـيه
تــعبــت أنــادي فــيك طـبع الـسذاجة
تـعبت أقاسي الشوق وعيون طاريه
لأنــي لــقيـتك صـبح غـاب إنـبلاجـه
وشلون أشق الوقت لأجلك ..أداريه
حاولت أضمه من صروف اعوجاجه
يـا بـنت أنـا لـك خـافـقٍ لـو تـطلّيـه
شـريـان يـنبض لك .. يسوق إندماجه
يــصوّرك بــحرٍ يـناجـي شـواطـيه
يــغسـل مـدى هـمك ويـطرد هـماجـه
لــكن غــديــتي سـاحـلٍ قـفر أبـكيـه
هــم ف حـياتـي صـار مـر بـعجـاجـه
خلاص عـذب الـقول الـلي تـقولـيه
مـات بـجراحـك .. وما بقى أي حاجه
