يـا سـميّ الـنور فـي سطوة شعاعه      مـا خـذ ٍ قـلبـي وفـكري لـك رهينه

مـا نـساك الـبال لـو هُوظرف ساعه      صـورتـك لا غـبت ..فيني مستبينه

سـقت لك شوقي وبعد السمع طاعه      مـع دموع ٍ.. قولها :يا ناس وينه؟

لـيت للاشـواق فـي عـشقـك مـناعه      كـان قـلبـي.... مـا تفطّر من حنينه

كــنّي مــثل الـلي تـبلّى بـالـمجـاعـه      لاضــمان..ولا امـان..ولا سـكيـنه!

لـيه قـابـلنـي خـفوقـك بـامـتنـاعـه ؟      ولـيه يبحر دوني ابظهر السفينه ؟

تــتبــع الــواشـين والـدنـيا اشـاعـه      وقـلبـي الـلي فـيك ..هـمّل عـاذلينه

صـوتـك الـلي كـان يـهنـالي سماعه      غـاب عـنّي والعوض في سامعينه

مــا لــفيــتك بــالــتّمــيل والـميـاعـه      والـتّصـنّع ..ناس غيري عارفينه!!

جــيتــك ابــقلـب ٍتـجرّد مـن قـناعـه      صــافـي الـنّية ولـو كـانـت دفـينـه

غـلطـتي دوّرت بـالـضيـق الوساعه      وانشد الانصاف في وسط الغبينه!

عــند مــن امّنـته الـقلـب وشـراعـه      لــين ذاب الـحب مـنّي فـي يـديـنه!

خـطوتـين ورحـت..والـخفـاق بـاعه      بـعدمـا شـقّه ...وخـذ مـعه الثمينه

طــاح طـيرٍ طـار مـن بـعد ارتـفاعـه      وارتـفع صـوت المشقّى من ونينه

صـوت عـاشـق زاد هـمّه والـتياعه      ضـايـع ٍ ..مـابـين الاحلام الحزينه!

يا ضياعه ..ويا ضياعه ويا ضياعه      والـخلايـق.. مـا هي ابهمّه ذهينه!

مـا ظـفر بـالـحظ( سـاق ولا ذراعه)      ولا لـفا.. لا مـن شـمال ولا يـميـنه

كـيف يـقوى خـافـقي لحظة وداعه؟      والله ان الـموت اهـون ...يا امينه!

مـا عـذرت الـلّي يـفرّط فـالـجمـاعـه      ولا غـفرت انْ خان ناس ٍ صاينينه

الـهوى مـا هـو تـسلّي ..أو بضاعه      مـا تـعرفـه غـير الالـباب الـفطـينه!

غــيْر انــي عـشت واتْحـمّل قـناعـه      والـعقـل زيـنه..وانـا بـنت ٍ رزيـنه!

الــخطـا وارد وانـا ادْري بـاتّسـاعـه      عـلمْ واضـح..والـبلا فـي جـاهلينه

الــخطــا لــولاه مــا حــنّت دمــاعـه      ولا غـدى نـدمان...والتوبه ثمينه!

مــا قــطعــته لـو تـبدّى بـالـقطـاعـه      ومـا تـركـته... لـو ربوعه تاركينه

كـان وافـي والـوفـا مـا هـو صناعه      ربـما غـرّه الـزمـان.. ومـادحـينـه!

مــاالــومــه بــالـتسـرع وانـدفـاعـه      لـلفـراق ان كـان وصـله طـامحينه

مـرهـف الاحساس سهلٍ في خداعه      والـصدوق انـسان كـثرٍ خادعينه!!

صـوبـه الـنسـيان مـا هو باستطاعه      وقـلبـي عـالنسيان.. (الله لا يعينه)

فــوق هـذا لـه غلا والـقلـب شـاعـه      بـالـعروق الـلي ...سـكنها ياسمينه

صـاحـب الاطـباع مـا يـنسى طـباعه      وكـم غـريبْ اشتاقْ لتراب المدينه!

فـإنْ رجـع اشـواق قـلبي له سراعه      وان بــقى بـالـصّد ..الله لا يـهيـنه!