 |
قسم قصِّتي ويَّا الرحيل
قصَّة غياب الشمس |
|---|
قصة غياب
ابتدت يومك حضرت .. وجيتني
ويومك رحلت .. وعفتني
حروفها صمت السنين .. وأوزانها شوق وحنين
وأوراقها كفِّي
×××
كم رجيت إنك تكون انسان ثاني
كم تمنيتك تجيني بوقت ثاني
إنت من بَّد البشر .. دقيت بابك
ما إنتِ ملكي .. أدري هذا هو جوابك
وأدري إنَّ الفرح عيَّا .. يستجيب الهمس
يوم أنا خطيت
قصَََّة غياب الشمس
×××
مو غريبة لو تصدق .. إن أنا بعدك حَييت
مو غريبة لو تصدق
قبل لا أسكن وجودك .. قبل لا أعرف حدودك .. قبل لا أحيا
بكيت
قل لي وش يبقى لجرحي .. دام جرحه هو دواه ؟
قل لي وش يبقى لفرحي .. دام ضيَّع مبتغاه ؟؟
ووش جديد الحرف .. قل لي ؟؟
الفرح .. قصة قديمة
والوفا .. قصة قديمة
والأمل .. هو من بقى لي
××××
لا تصدِّق .. إن حرف الشعر ينبض من عروقك
لا تصدِّق .. كثر ما غرَّبت أشتاق لشروقك
وإن غدى للصدق قيمة .. والحواس الخمس
خذ بقايا حرف غيَّب
مع غياب الشمس
|
|
|
| | |
