 |
قسم قصِّتي ويَّا الرحيل
قصِّتي |
|---|
أبحكي لكم قصةٍ .. مرَّت على كلَّ العصور
الحزن فيها البطل .. والألم جمهور
×××
كان يا ما كان .. في ذاك الزمان
الزمان اللي بذاك العصر .. كان
×××
كانت الدنيا مساره .. كان بالعالم وحيد
كان دار الحزن داره .. والشقى له يوم عيد
×××
ليه شكى .. ينزف همومه قصيد
وليه بكى .. يذرف دموعه شهيد
وليه قست دنياه .. يصرخ
وينه الثوب الجديد
وينه اللي .. شوفتي له يوم عيد ..؟!
×××
ليه دروب الصبح بانت .. قال ذا يومٍ جديد
زانت الدنيا وشانت .. المهم غنِّي وحيد
×××
وليه دروب الليل بانت .. قال ذا دربٍ طويل
ابتدى الموعد وحانت .. قصِّتي ويَّا الرحيل
×××
يمَّه ليه الحظ ضدَّه .. يمَّه ليه الجرح ليه..؟
يمَّه ايده فوق خدَّه .. يحتري الفرحه تجيه..!
يمَّه مل وهو حزين .. يمه مل وهو حزين
يمَّه ليتك تسمعين ..!!!
×××
هذا هو أثراه شعري .. ليه غدى ليلي طويل
وهذي هي والله يمَّّه .. قصِّتي ويَّا الرحيل
|
|
|
| | |
