كـلنـا عـشنـا الـحقـيقة حـلم والـواقـع سـراب
كـلنـا يـعشـق هـمومـه.. لأنها شمس الخيال
كـلنـا يـشكـي جـروحـه بـالـشعـر هم وعذاب
ولا سـكن فـرحـه سـنينه يصرخ بهذا محال
آه يـا حـلم الـشوارع مـا سمع نوح المصاب
مـا أبـد يـومٍ سـكنَّا .. يـرفـض آمال الوصال
عـش سـنيـنك خذ حنينك هذي أحزاني كتاب
كـان آخـر شـي قـلتـه يـوم بُعـد الـفرح طـال
لـلمـديـنة نـبض واحـد .. لـلمـبانـي ألف باب
لـلمـرايـا ألـف وجـه ... ولـلفرح منِّي سؤال
لـيه أنـا مـن بـد غيري ما حسبتي لي حساب
ليه أنا همِّي يميني ... ليه دمع العين سال؟!
رغـم كـل الـضيم فيني .. أشرب زلال الغياب
مـا أعـتقـد أحدٍ يعاند .. جفوة الفرح بوصال
فوق خد البيض جرحي والفرح هالليل شاب
هـلَّت الأبـيات تحكي ....عن أمل وصله قتال
وش يـساوي كـل فـرحٍ بـعد مـا نبقى سراب
يـوم أنـا وأبيات شعري ننطوي تحت الرمال
فـي عـيونـي كـل شـي وكـل شي اليوم طاب
عـافـت الـنفـس بغيابك فرحتي شوف الهلال
جـيتكم ضميان أرجو من سما الفرحه شراب
مـطلـبي والله طـبيـعي .. مـطلبي والله حلال
هـذا أنـا بـعضي يناظر هالفرح يرجي جواب
يـنتـظر عمر المواجع.. تنتهي شمس الخيال
