 |
قسم دمع وهموم والم
في هوى الكويت |
|---|
من الألف للياء .. وكامل حروف الهجاء
باقة زهور .. وأجمل أحاسيس وشعور
جيت أقدِّمها تحيَّة .. محتواها ألف بيت
هالمسا منِّي هديَّة
للــكـــويـــت
****
شاعرة وأكتب قصيدة .. تحتويني أوزانها
ودِّي بفكرة جديدة .. يرتفع بي شانها
ويوم قالوا لي الكويت .. قلت ربِّي صانها
جيت أبكتبها قصيد .. احترت في عنوانها
****
يا كويت أنا شعري .. يومٍ بدا وصفك خجل
وإن قلت أنا اسمك .. قام القمر غار وزعل
ما يهموني جميع .. القمر والشمس .. والكون الوسيع
خلِّني شاعر .. وجى يوصف شعوره
غايبٍ عنك .. تولَّع في حضوره
****
سمعت بداخلي صوتٍ يناديني
سرق سمعي .. سرقني من خيالاتي
ضوى شمعي .. وزوَّد بي متاهاتي
ونادتني نجوم الليل .. وقالت لي علوم سهيل
تقول انَّه هجر هالبيت .. وفارقهم لأجل الكويت
****
الله يا لمعة أمل فوق الغدير
الله يا زهرٍ نشر ريحة عبير
حتَّى النجم يا كويت .. في حبِّك أسير
!!!!
هي رسالة .. غايب لحاضر تجيه
قالت لي الليلة أقول .. كل ما قلبه يبيه
****
الأسير اللي فدى روحه عشانك .. وحشتيه
الشهيد اللي رخص عمره وصانك .. وحشتيه
يدري انَّه .. حتى في لحظة غيابه .. ذكرتيه
ولا أبد يا كويت في ويمٍ نسيتيه
****
يقول .. الفرحة تغمرني وهي حرَّة
يقول .. اللي يسر ترابك يسرَّه
يقول .. أهواك أنا يا كويت
وما بنساك بالمرَّه
|
|
|
| | |
