 |
قسم دمع وهموم والم
سبحان الله |
|---|
ما هو عيب إنَّ البشر يخطي بيوم .. لكن العيب الحقيقي
بالخطا هذا يدوم
وأنا دليت الطريق .. وأشعلت بالماضي الحريق
وقلت يا ربي السماح .. يالله تغفر لي اللي راح
تقبل دموعي وتوبتي .. ترفع لعرشك دعوتي
×××
أعترف يا من ملكت الكون .. والعرش العظيم
يا من خلقت من الثرى روح وعيون
منهم شقي في دنيته .. باع المساجد بالمجون
منهم سعيد فغربته .. باع الأماني بالمنون
ومنهم أنا
×××
يالله أنا كلي ذنوب .. واليوم أنا جيتك أتوب
يالله أنا ما لي بها الدنيا .. بها العالم .. بها اللحظه
سواك
يالله أنا ما أبي من الدنيا .. من العالم .. ولا اللحظة
إلا رضاك
×××
يا عرب هذا نداي .. ليت من يسمع صداي
وش تبون من الدروب .. وش هو أمرِّ من الذنوب
×
يا من خطيت كثير .. عند الله حسابك
ما أحدٍ يعينك بالحشر .. ولا أقرب أصحابك
اصحى لها اليوم العظيم .. اصحى قبل همٍ مقيم
واختر طريقك لا تحيد .. قبل الصراط المستقيم
من قبل لا تسمع نادها .. قبل لا تسمع صداها
تقول
هل لي من مزيد
ندري عذاب .. ندري عتاب
ندري بصحرانا التراب
ندري الحلال من الحرام .. ندري بعد هول الحساب
ندري القبر إما ظلام .. أو جنة الخلد المآب
ندري مرد عظامنا نخر الدواب
ورغم كل اللي نعرفه .. ورغم كل اللي نقوله
نتجاهل خَطانا
ما أحدٍ غصبنا عالشقى يا ذا العرب .. إلا هوانا
×××
هذا قصيدي أكتبه كلِّي ألم .. وهذي عيون الشعر تبكيني ألم
هذا ألم .. وهذا ألم
وهذا أنا .. ما بإيدي شي
×××
أبكي على دنيا رديَّة .. أبكي على دنيا وسيعة
من باعها تشتريه .. ومن شراها
تبيعه
|
|
|
| | |
