 |
قسم دمع وهموم والم
ما هو عيب |
|---|
ما هو عيب إنَّ البشر يخطي بيوم .. لكن العيب الحقيقي
بالخطا هذا يدوم
وأنا دلِّيت الطريق .. وأشعلت بالماضي الحريق
وقلت يا ربِّي السَّماح .. يالله تغفر لي اللي راح
تقبل دموعي وتوبتي .. ترفع لعرشك دعوتي
*
أعترف يا من ملكت الكون .. والعرش العظيم
يا من خلقت من الثرى روح وعيون .. يا صاحب القلب الكريم
يا من رجف حرف الشعر .. في ذكرك الطاهر خشوع
يا من سكنت بداخلي وأقرب لقلبي من الضلوع
يالله أنا أنوي الرجوع
يالله أنا قلبي وروحي .. وكل ما فيني دموع
*
أرتجي يا ربِّي القادر رضاك
أرتجي منك السموحة والهنا دوم بسماك
*
أدري الدنيا متاع .. كلها هم وأوجاع
أدري الدنيا عذاب .. وآخر المثوى تراب
أدري الدنيا غرور .. حولها نسري وندور
ما أبيها
ما أبي يوم أشتريها
دنيا دنيَّة .. كلها زيف وخداع
دنيا دنيَّة .. كلها هم وأوجاع
من شراها .. تاه في دربه وضاع
*
*
هذا أنا يا ليل .. من قلبي أتوب
والأمل بالله .. غفَّار الذنوب
هذا أنا دربي رسمته .. من جديد بالدين والسنَّه
ما أبي إلا رضا الرحمن
والفوز بالجنَّه
|
|
|
| | |
