فـقر بْدرجـي جـمعـته وأنا في داخلي مقهور
وغـابـه مـن الـحزن فـينـي وأبـي أقطف ولا أقطف
أسـامي بدفتري تبقى حروفٍ خطها من نور
ومـن شـنطة سـفر بـيدي تـخبـي قـلبـي الـمنـصف
أجـيك اليوم تتبعني همومي وبالحزن مجبور
أخبي الحزن في صدري مثل طفل(ن) بدى يضعف
وأجـيلـك شـايـل بـأيـدي بـقايا دمي المهدور
وبــنت صــغيــره تــتبـعنـي تـبي تـهرف ولاتـعرف
وجـيت أْجـمع شـظايا من بقايا حظي المبتور
ولـكن للأسـف جـرحـي كبر، ودمي بالحشى ينزف
أنــا مــا ودي نـتوادع ولـكنـك مـعي مـغرور
تـجيـني الـيوم وتـوعـدنـي وبـاكـر للأسـف تـخلـف
وش الـدنـيا تـفكـرها هياكل في وسط الْقبور
حـبيـبي غـير أسـلوبـك وطـبعـك صـار شـي مقرف
فـقر بْدرجـي جـمعـته وأنا في داخلي مقهور
وغـابة مـن الـحزن فـينـي وأبـي أقـطف ولا أقطف
ألملم حزني وجروحي وباقي هالفقر مستور
طــلبــتك يــا وطــن أنــسى طــليـبك راح وتـأسـف
