شخص غير

وش فيك ساكت قولها مـَ تقولها وتنطق كلامك           أحسّها  ضاقت  بصدرك  ضيّقت  قلبك  كثير

أدريك  تعلن  عن  رحيلك  باينٍ  حتى  بسلامك          كل  ما  تقوله  لي  قريته في عيونك شي يثير

أتذكّرك  لما  إجتمعنا  جيت  أنا أرضي خصامك         واليوم  جينا نفترق نفس الشجر نفس الحصير

حتى  السعادة  جات  خلفك ..دمعة الفرقا أمامك         ما  دامها  هذي  النهاية  ننهي  الفصل الأخير

تْشوف  ذاك النجم فوق هناك عندي هو مقامك         تبقى  على  قلبي  كبير  وْتبقى  في قدرك كبير

إن  كان  للأعذار  راجع  هيش  ينفعني  ملامك         أحسن أعيش بوحدتي وأكون مجهول المصير

ذاك  التوجّه  لي  إتخذّته  فيه  مصلحتك مدامك        سير وتهنّى بالحياة مع قلب غير وشخص غير

دام  المحبة  قلب  وافي بس هو وين إهتمامك؟         لان  الحياة  اللي  إجمعتنا  تبري العظم الكسير

                                                         محمد بن خليفة الراسبي