حسنك الطاغي جبرني احتطب حرف وقصيده

احترفت الحب الاعمى صرت اعمى بس اشوفك

مـا أرى كـل الـخلـيقـه بـس أرى نجمه وحيده

نـجمةٍ تـعنـي لـي انـتي قـد نـقش فـيهـا حروفك

إيــه احــبك حــب شــاعــر لــلغـرام يـمد إيـده

غـرّق حـروفـه ف بـحرٍ مـوجـه الطامي طيوفك

صـرت أعـاني في حياتي صارت ايامي زهيده

كــل الآمــي تــبخــر لــو بــلمــسه مـن كـفوفـك

مـا هـقيـت الـحب يـقسـا مـا هـقيـت انك عنيده

بـس يـعجـبنـي عـنادك مـعجـب وعارف ظروفك

الــوفـا بـقلـبك سـجيّه والـسجـايـا بـك عـديـده

طـيبـتك- عـطفك- حنانك - بسمتك اوحتى خوفك

فـينـي بـاز الـفكر يرحل يحبس انفاس الطريده

يـقنـص الـمعـنى ويـرفـرف يـنثـره باعلا كتوفك

لـو بـجرحـي يـا حـياتـي تـصبـح أيامك رغيده

هـذا صـدري هـذا قـلبـي اغـرسـي فيني سيوفك

سـرمـدي الـحب يـرحـل يـرتجي لحظه سعيده

انـا والـشوق وجـنونـي يـا بـعد عـمري ضيوفك

أتــبعــثر لـجل عـينـك واتـجمـع لـك قـصيـده..

ارتـحل صـوبـك وغـمض اعـمى لـكنـي اشـوفك