خباري مزوري

لله درّك يــا عــسل مــن هـو قـدّك        تـأخذ من شعور الورد عطر جوري

وتـعكـس أحاسيسك ب مرآة خدك        وأشــمّ أنــفاســك ب بـاقة زهـوري

الـزيـن مـاهـو بـالـحسن صار ندك        تــدري أمـامـك مـا تِمـالـك شـعوري

من كثرة خصالك ترى تفوق حدك        وأنـا عـلى طـرفـك ألـملـم حضوري

أنـته تـشد الـحسـن مب هو يشدك        وما غير بس رضاك يشبع غروري

يـا بـسمة الـدنـيا أنـا صـرت أعدك        شـوفـك بصبحي ذاك أجمل فطوري

وأنـــا آتـــلذذ مــن تــقاســيم ردك        وتـعانـق الـبسـمات ثـورة سـروري

ولــما تْصـعّب لـي ويـشتـد صـدك        أروّضـك فـي لـطف وأحسم أموري

بـسألـك إعـجابـي ونـزفـي يسدك؟        بـــادلــني الأشــواق دورك ودوري

ولا صـلهـبت كـبر الـمعـاثير ضدك        أنـا الـسناد وعزف سعدك ضروري

وإن جــارت الأيــام وأيـزت تـحدك        أشّر وتــلقــانــي أسـابـق سـطوري

لأنـك غـذاء الروح صرت أستمدك        سـراج هـذا الـدرب يـومـي ونوري

أنـت الـعمـر.. إعزف تفاصيل ودك        لا مـــا تــكفّيــني خــباري مــزوري

محمد الراسبي