 |
قسم حدود الغياب
بحر الفكر – تغرود |
|---|
بحر الفكر – تغرود
يا صاحبي التغرود نادى دوره
لمّا طلع بحر الفكر من طوره
عندي القريحة اليوم مب معذورة
لكن غدت لي مْرايتي مكسورة
لمّا تيمّمت الصباح بْنوره
شرذم علينا الحزن من ديجوره
وقامت تودّعني وهي مجبورة
بي دمعةٍ في محجري مقهورة
يا ليت بنك العمر كف شْعوره
وأنا العذول اليوم مـَ أتبع شوره
ويقول درب الحب منك دوره
يا صاح هل يرضيك في منظوره؟
وأنا اللي أتنفس عبير بْحوره
في ساحة التحرير قامت ثورة
ما بين ضلعيني يخط طبشورة
هْموم منكسرة وبي منثورة
وجروح في صبح الزمن منشورة
والمشهد اللي كنت أعيش سْروره
راح وغدى لي ذكريات وصورة
والراسبي من يومها طابوره
متشتتٍ بين الصباح ونوره
محمد الراسبي
|
|
|
| | |
