الفراغ المزعوم

ذاك الــفراغ الــلي نــحر هـامة الأنـس        مــا قـام يـنبّت غـير زيـف وخـيانة

والـمفـترض تـرقى عـلى خـلوة النفس        لا مـــا تـــخلّيــها تــخون الأمــانة

مـن صـارت الأنـفس تـشلّك بلا حـدس        بس همّها الضاهر وعادي الإهانة

أعــوذ بالله والــخطــأ يــجرح الأمــس        نــلهــو عــلى كـفّ الأذى والإدانة

هـذا الـدّهـر نـخجـل إذا قـالـوا الـقدس        يـصرخ ولا قـمنـا نـكافـح عـشانـه

حـتى الـقنـاعة مـا تـكفّي ذرى الـعرس        نـركض ورى الدنيا بلا آيا حصانة

نـحتـاج لـلتـوجـيه لـو تـنغـرس غـرس        ونـعيـش مـرتـاحـين نـفسٍ مصانة

بـعض البنات اليوم تمشي على العكس        بــس هــمّهــا فْلانة وقـالـت فْلانة

إذا تــمادت فــي الــتبـرّج وف الـلبـس        بــاكــر بـتعـقل مـا يـهمـك شـطانة

لا مــا دروا إنـها تْعـوّد عـلى الـرّجـس        إذا اصـلحـت تـصلـح أمور الديانة

مـن راحـو الـطيـبيـن زيـنتـهم الـورس        والـصدق سـموهـا بـالأخلاق دانة

تـاخـذ مـن أفـعال الزمن حكمة وْدرس        وتــلقــاه فـي فـن الـتعـامـل تـكانة

هـذا الأمـر نـدخـل عـلى شـاكلة ولبس        لا راحةٍ فـــينـــا ولا مــن ضــمانة

دام الأوادم فــــي أثـــرهـــا بلا حـــس        تـخطـف عـليـك ولا تحس بالرزانة

حـتى الـمزاج الـيوم هـو يشبه الطقس        مـن كـثرة هـمومـه يـضيّع مـكانة

قـمنـا نـعاتـب هـالـزمـن إخس ثم إخس        والآدمــي يــصنــع بـإيـده زمـانـه

بـعض الـرجال إكتب على وجهها إكس        هــذيــك أشــباه الـرجـال الـمهـانة

بــأفــعالــها بـأطـباعـها مـاخـذه مـكس        تـصبح على وجهٍ وتمسي حضانة

مـفلـس من الأخلاق بس يحرق الفلس        عــادي ولا هــمّه حــياتــه مـدانـه

ع كـروز مـا يقدر وبس يشتري جمس        وش قـولـكم يـالـربـع هـذي فطانه

قْلـوب جـفّت والـمطـر لـو جـرى يـبس        إتــفرّ مــنقــلبــه وتـعاكـس بـيانـه

تـابـع عـيون الـناس تـغتـاب بـالـهمس        زادت نــميــمتــها تــراهــا جــبانة

والـبعـض مـشكلته ترى يْساير النحس        يـبغـي الـنتـيجة قـبل سـابـق أوانه

مـن سـار نـهج إبـليـس للآخـرة نـكس        الـشر يـبقى شـر طـول إحـتضـانه

وش همّنا نركض ورى الداعج النعس        حــطت لـنا بـيت الـتفـاصـيل خـانة

يـا صـاحـبي مـن يـتبع اللّيش والطفس        يـسقـط مـن أولـها فصول إمتحانه

وأطـفالـنا هـالـيوم عاشت على الشبس        لا طـاع يـقبـض شي والقول خانه

قــم عــدّنـا م الـشام لـي تـالـي الـفرس        نــبراســنا الإسلام صـلح الـبطـانة

                                                       محمد بن خليفة الراسبي