 |
قسم رواية نبض
حنيـــن الاصـابع |
|---|
ارشــفي ورد خـدك مـن حـنيـن الاصـابـع دام ريـحة يـديـنك خـالـده فـي يـديـني
شفت ف العمر خطبٍ مثل عصف الزوابع كـل فـرحـه تـغادر وكـل حـزنٍ يـجيني
كـان ف الـجوف حزني وسط هالقلب قابع لـين جـيتـي بـلطـافـه بالفرح تغمريني
طـبعـي عـشق المعالي ابغض العيش تابع قـد ظـلمـني زماني يا عسى تنصفيني
الـثمـي صـدر شـعري تـنفـجر لـك مـنابـع تـكتـبك فـي سـحابه ممطره ومطريني
قـالـوا أول وثـانـي .. لـين سادس وسابع احـصريـها ف قـلبـي سـبعةٍ تـحتويني
انــتي ثـامـن اعـجوبـه مـا بـعدهـا تـوابـع (لا) كـل الـعجايب هكذا انتي ف عيني
يـا سـطور الـمشـاعـر لـلرسـايـل طـوابـع ولـلمـحبـه عـيونك وللحسايف سنيني
بــرزخ الــشوق فـينـي والـغلا مـنْه نـابـع قلبي اكليل وردك تاج انتي اف جبيني
ودي الــثم خـدودك مـن حـنيـن الاصـابـع هـذي ريـحة يـديـنك مـا تـفارق يديني
|
|
|
| | |
