المحال
المحال اللي مقدر لي قرين!!/ أو أحب اللي محال يكون لي؟؟. بيت فيني يختصر كل السنين/ من مماتي لين يجهلني هلي. ما بغيت الحل من شخص (ن) فطين/ لا ولا ودي أضل عنه سلي. غير ودي يا بياض الياسمين/ يا عبيره لو غدى به ممتلي. يا جمال النفس في شوف الحسين/ يا ترانيم المقام الموصلي. كيف ما يهوى فكر عشق الثمين/ في جمالك..لو غديتي تبخلي. لو يوزع في بنات العالمين/ أعشقك في كل بنت (ن) توصلي. غير ودي وقت مكتوف اليدين/ يا عشيقة خافقي لا ترحلي. يا ثقة مولود في والد أمين/ لو رمى به بالسما ضحكه جلي. بلوتي فيك التحسر والأنين/ تعصر الخافق وتكسر مفصلي. واحضنك في خاطري حزن وحنين/ لين أخماصك تدفي أرجلي. آه يا ضخة خفوقي ف البطين/ ما سمعها بالصدر غير الولي. لو حصل هالعشق منه منتهين/ والمواصل غيم لابد ينجلي. البدر لك يختصرها كلمتين/ قفلن باب الحكي في مدخلي. (كانها الفرقى طلبتك حاجتين/ لا تعلمني ولا تكذب علي)... صالح المشايخي
|
