الخيانه

إذا الـزوجـه تـخونك مع صديقك وانت في غفله      مـن الـلي فـاعـتقـادك يـستـحق فـيكـم كثير اللوم

بـدون الـعاطـفه .. لـو تـحتـكم عـقلـك على مهله      تـعرف انـك سـبب ظـلم الـقراب الـي بهم مظلوم

مـدامـك مـن عـطا فـرصـه لـغيـره يـطعن بنصله      ولا يـعفى عـن الـغافـل عـقوبة من غدى متهوم

عـلى عـرضـك أبـد لا تـامـنه مـخلـوق لـو جعله      أخـو .. ولا مـطوع تـحسـبه مـن عـفته معصوم

وصاحب طاعن (ف) ظهرك .. كفاه انك تسفهله      وزوجـه خـانـت العشره .. بهجرك خدها ملطوم

بلا صـحبـه بلا حـب تـرتـجي مـن نـاس بالجمله      تـناسى كـل واحـد مـا يـألـمك لـو غـدى مـزكوم

مـضى وقـت الـصداقه يومه الصاحب معى أهله      يـقدر صـحبـتك .. مـاقـال أنـك كـوم واهـله كوم

إذا هــمك حــكم قــفلــه .. بـديـنه يـنكـسر قـفلـه      ولـو هـمك تـناسـيتـه .. يـبات الـليـل بـه مهموم

مـضى وقـت الـمحـبه يـومـها فـرعـونة الـكحله      صـديـقة أخـتك الـصغرى لجل تقدر تشوفك دوم

ويـبسطها ذكر أسمك .. وهي من شوفتك خجله      كــأنــه مـا فـحارتـكم رجـل غـيرك لـها مـقسـوم

مـحد حـبك مـثل نـفسـك .. ولـو تـبحث فكل قبله      بــعد حـب الـرحـيم الـبر .. إذا بـمحـبتـه مـكروم

جـعل كـونـه نـتايـج مـن سـنن مـحكـومـه بعدله      إذا تـعرف قـواعـدهـا غـدى كـل حـلهـا مـفهـوم

غـني الـناس مـن يـصرف أقـل من ربحه ودخله      كـريـم الـناس مـن يـعطـي ولو من فاقته مغموم

واذا ودك تـعيـش الـعمـر بـالـعز .. مسأله سهله      تـرهبن في صوامع همتك .. واخضع إلى القيوم

كـذا عـشنـا حـياة (ن) طـبعـها تصفع على غفله      وحـيدين ف وطن بالمختصر به ساكنين خصوم

إذا كــان الــبشــر تـعطـي فـصايـل دمـها جـزلـه      فـخرهـم ف الـغنـا .. والـي زنا فيهم سعيد القوم

مــعاهــم تـسكـن الأجـسام والأرواح فـي عـزلـه      ولــو نـسمـع بـفعـل رجـال كـن ارواحـنا بـتقـوم

إذا مــات الــرجـل مـنا .. مـخافـه نـفتـقد وصـله      عـجزنـا نـمسـح ارقامه من الهاتف ولو مزحوم

تــعبــنا لــين نــمنــا واقــفيــن ف آخـر الـرحـله      وكــل الــناس عــنا بــين مـتفـرج وسـابـع نـوم

بــكيـنا مـا بـكيـنا .. مـن يـهمـه دمـع فـي مـقلـه      نعيش الحزن يمضغ في حشانا مع فرح مزعوم

تــعودنــا نــكفــكف دمــعنــا بــكفــوفـنا الـعجـله      ومــن ثــم نــفرك يــديـنا .. ولا كـنه بـكيـنا يـوم