جفــــــــاااااااف

انتظر .. لا تقطع انفاس الغرام وْتهذي بكلمة ' كفى '
دام تدري بس كلمه تحرث ف صدري جفاف

لا تثور وْتنثر العشره هباء ارجوك ..بحتاجك دفى..
الشتاء ..موسم عنيد.. وْانت لي دونه لحاف

هالمحاني لا تعكر جوها من ضمتك كل شي شفى..!
بعد أبابيـــل:ن: رمت سجيل  خلتهـا  عجاف

الفرااق: انسان ظالم إن سلب آمال وصلك احتفى
ثم : آلام الغيــاب بتحيي في قلبي زفاف

كيف ترحل ؟؟ وآنا لو همسك فقدته صاحت ضْلوعي ' اختفى '
وصرت استرجع ..جفوني.. ويـن طاف؟؟ وْكيــف طاف؟؟

وان لقيتك! اعتذر جفن:ن: غفل ثم تاب لك جفن:ن: غفى
وانجلت ساحات لامي .. رجعت الهمزه ل ' كاف' ..

لو يضير العشق / غلطــه / ما عرفنا لا اشتياق ولا جفى
والجفــى: منفى للقيـا  شـــوق  في تال المطاف!

اقترفت الذنب .. ادري .. الوفي لو كان جاحد.. ما نفى
والوفي لو كان جاحد .. به جحــود'..الإعتـــراف..

كان قصدي من رحيلي وش مصيرك لو سراجي انطفى؟
'كالعهن منفوش تصبح' أو ' تلاقي لك مناف '

ما هجيتك ترتشف لحظه غيابك من غيابي بس' أفــى '
اتضح ما لا ..هقيــت.. وْبان وجه الإرتشـــاف

صيف صدري بس حضورك له غمام:ن: لا هطل به اكتفى
ارجع وْاسكب حضــورك في حنايا صيـــف جاف

زور صندوق الرسايل وارمي مرسال التغاضي والصفى
..الفراغ.. اللي يعمّه يهتــف بصفحك هتــاف ..

كان تذكر اختلفنــا كيــف نبقى لو زمنا ما وفى؟
واتفقنــا كيــف نرضي بعضنا فالإختلاف..

رغم ذلك.. غاب وجهك في مدى ناظر عيوني ما لفى
وفوق سجــادة خدودي الدمــع صلى اعتكــاف

خذني عده مع رحيلك دام قلبك غير بعدي م صطفى
المهــم ابقى معك غربــه هنا دونك وخاف...

....لو تروح  وتذبح انفاس الغرام بخنجــرك كلمة ' كفى '
وآنا ادري في غيابك ' تنبت ' ف صدري جفاف..