لو دق ناقوس الخطر
مهما شعوب الأرض ثارت ومــارت
وأصبح شعار الكون تغيير،،تغـــير
تبقى الأذن صمّى ولايوم عــــارت
أي اهتمام لما حصل أو يبى يصــير
حمامة الأشواق والسلم طـــــارت
تصدح: عمان وشعبها بأمن و بخـير
في ظل سلطان الملايين ،،ســـارت
ماخافت شباك العدو والمقــــادير
قابوس والأرواح لفداك فـــــارت
لو دقّ ناقوس الخطر جاتك تطــير
تحمي عمان وسيدها يوم جــارت
فينا الصروف بإيد زمرة مناشـــير
والله لو هالأرض حــارت ودارت
غمضت عيني وسرت من دون تفكيـر
قلبي هتف بك نبض والعين نــارت
من فكرك النيّــر تـنـورت تأثـير
ياسيدي وأرواح شعبك تبــــارت
جاتك تجدّد حبّــها صغـير وكبـير
جعلك ذخر للّي حناياه ثــــارت
تهتــف ولاء وحب وأصدق تعابـير
والله يعمي عيون خارت وبــارت
ساوت بريح المسك،،مع ريحة الكـير
|
