(والله كسرتي خاطري)
إن كان عطفك يجبرك
تبقى معي
في أوجعي
من دون حب وعاطفة
أرجوك لاتبقى أبد
مابي أنا منك جبر
حبك يا سيدي مطمعي
بس أنتظر
ليه الحزن في ناظرك؟
ردت أسألك
شفقان هزتك أدمعي؟
وبلا وعي
من طيب قلبك صحت بي
(ياسيدة حزن السنين المنذوي
والله كسرتي خاطري
يكفي تلمين الهموم وتحتوي
هزأت قلبي وأبشري
مسموحة ن لي ترجعي
بس أسمعي
ب شروط قلبي وأقنعي
لا تدمعي ..لو مال قلبي عن هواك
لا تزعلي.. لو يزعلك هرجي ولا يطلب رضاك
لا تسأليني ليـه هذاو كيف ذاكـ؟
ولو أبتعد
أو ينقطع عنك حناني
عني حنانك
لا تقطعين وتبعدي
هذا و جعلك تسعدي)
ياقسوتك ياصاح
بالحيل زيدت أوجعي
معقول ذا اللي تبتغيه
ودك أعيش بلا شعور؟
يعني أحس وما أحس
وأصبح جمادن مايثور؟
لا يا متيم بالنسا
آنا ترا ربي خلقني
أمشي و أقول
كل الذي ب فكري يجول
والحق دايم أنصره
هذا كلامي وأعذره
[آنا و لو مت بأسى
أو جار حبك لي وقسى
والله م غير موقفي
أو آتخلى عن وصوفي وأطبعي]
حتى ولو كنت الهوى
ياجعلني م اتنفسك
دام الوفا ما يحرسك
والعشق عيّـا يلبسك
روح ولا ترجع أبد
جايز تنسيني السنين
طعم الأسى ومر الأنين
جايز يقويني العنا
عالحزن وأسراب الحنين
رح خلني أبقى هنا
آلم طيفك وأنثرك
ثم ينكسر قلبي وأرجع أجمعك
يا سيد الجرح الأليم
يا باعث الحزن المديم
يا اا أيها الحب القديم
أرحل بعيد الله معك...
كمـــالية.
|
