[.. أنا من أمس ما شفتك ..]
أنا من أمس ما شفتك ..
علومك يا عساها بخير
تبعثر هالوطن فيني أنا أبحث عن أهدابك
دخيلك لما تلقاني
تعال وطمّن عيوني
أنا من وقت ما شفتك
إذا تذكر ..
أنا مرّيت لأشعارك
وشفتك تكتب عيونك
متى يا شاعري تكبر ؟؟
واشوف الشمس عنوانك
انا ناديتك وربي
عساك فيوم تقبرني
وتدعي يا وطن ليلة
سموّ الشاعر تأخر
اكيد يرتب شعوره وهو من أمس ما شافك
جروحك شارع وشاعر وأنا من أمسك أهمسـلك .●. تعـــــديت العطا ساعــة وأنا قبطــان للدفّــــه
انا المأمــون لعيونــك او المــأمـــــور في قتـــلك .●. وانا أرض الجفاف اللي من مزونك تبي نفّه
أبيك تكون لي غيــمة وانـــا بنبـت شـعر لجـــلك .●. وابيك البدر وشعاعــه وباقــة ورد ملتفّـــه
أنا من أمس ما شفتك تعـــبت أدور عن مثـــــلك .●. تعـال ورتب إنسانك وفي سطر التعب صفه
أبـــي أسألك ما تــرحم وانـا مـــن وقت أنـدهــلك .●. إذا حب القــــدر عــافــك أنــا بحــبك بعفّـــه
أنا المحتار وش أوصف جمالك أو صعب سهلك .●. دخيل الوقت يا شاعر أريد احيا وسط كفه
أنا مريتك البارح
تحت ظل النخل جالس
ورا شبك الطعون
اللي تربى وسط أحضانك
متى يا شاعري تكبــر ؟؟
فعيني تكبر وتكبر
وأشوف الشمس عنوانك !!
