في صدى الذكرى
هــنا تمتم حنـين الشوق هـيج خافقي وارتاب
عــلى هــــــذا المكان إللي به الأحلام مدفونه
هنا أمست رياح الشــوق ترسم صورة الغياب
يـــواسي حــزنها جفني ويــعتق دمعة عـيونه
هـــنا الذكرى وأمالي وراس المال والأحباب
تــــغطت جفن تربتها وباتت عيني مـحزونه
نعم عشش غراب الـبين, حالت بيننا الأسـباب
أخــذ فرحي إلى عـــشه وحال البعد من دونه
تـــــوارى عهد أيامي ولــبسني الأسى جلباب
زرعـــني في حنايا روض قفر'ن' ما يمرونه
جثم صدر السما فيني واهداني العذاب أسراب
وانا أقـــتتات أوجــــــــاعي ولون طينتي لونه
ولا لــــي غير آمالي ولو كـــــان الأمل كذاب
أبــــستكمل مشاويره وقول الحــــــال يا عونه
وانــــا أدري محال أنسى غلاك والغلا غلاب
وادري لو تناســــــيته أبقضي العمر مسجونه
مفـــــاتيح الفرج عوجا وصكت قفلها الأبواب
وانا صدري ضجر نفسه وزادت حدت طعونه
محال أحيا وانا عرقي نزف صبره ألم وانصاب
محــــال وروحــــي الثــــكلى بفقد القلب مغبونه
مـــحال وكل شي فيني يــــلوح للغروب إعجاب
سوى نضرة رجا طارت إلى الأفاق مشـــحونه
ألا ليت المطر يضوي ويسكب رحمته مرزاب
ويـــحيي سالف عــهود المحبه ماطـــر مزونه
مواعـــيد الفرح مرت ولا مرت علي أكــواب
وانا أذكر شراب العــــــيد في أكــواب يسقونه
وهل ينطر قدوم العيد من شـــابت عليه أثواب !
وكـــم يلبس لجل يخفي مرارة فقد مضنونه ؟!
ألا ياســـــعد مالك حظ فيني لا تــــــدق الباب
مشيب الــقلب طير كل فرح'ن' من على متونه
أنا من يوم ما غابت وقلــــــبي بالعنا مصطاب
كفــــلني الهم في كنفه وربــــاني على شـجونه
وانا ما عادلي حــــــــــاجه تعنيني ولا ألــقاب
أمــــاني مطلبي ماتت وذبلت مورق غصـــونه
أببقى في صدى الذكرى ألملم شملها الأعصاب
عقب ما شتت أحــلامي طريق الشوق وسنونه
|
