القصيدة الفائزه بالمركز الأول في مسابقة شاعر الخليل والتي أقامتها جامعة السلطان قابوس وحصول شاعرها على لقب (شاعر الجامعه3)

الـــيــم

أريــد اكــتم مــعانــاتــي ويــغلــبنــي صـراخ الـهم      واريــد اكـتم عـلى جـرحـي وتـجرحـني مـعانـاتـه

تـعبـت اصـحى عـلى الـواقـع وحـلم ٍ داخـلي مـا تم      تــعب قــلبــي يــلمــلم ذكـريـات الأمـس بـسكـاتـه

أحــس بــوخــز أمــواج الأسى لــنّي حـويـت الـيم      هــنا بــصدري مـجاديـف الـزمـن تـبحـر بـآهـاتـه

تــجرعــت الأمـل مـن كـاس مـلحـه والأمـانـي سُم      وحــبل ٍ لا يــميــني شــدتــه ، تــطول مـسافـاتـه

ألا يــاهــيه لــو أبــكي مــطر وامـلي الـقصـايـد دم      بَعَدْهــا دنــيتــي تــدري بــعبــد ٍ كــثْر مــأســاتـه

ولا يــاهــيه لــو حــبر الـخوافـق يـستـسيـغه الـفم      نـضب حـبر الـقصـايـد والـدمـع جـفّت مـحيـطاتـه

ولــكن شــابــت احلامــي وجـرحـي مـا بـغى يـلتـم      أهــزهــز لـلزمـن راسـي وأضـحك مـن تـفاهـاتـه

زجــاج الــحزن يـتكـسر وسـط صـدري ومـا أهـتم      لأن كـــل الــزمــن مــا عــاد تــغريــني علاواتــه

زمــان ٍ جــا يــبكّيــني وقـالـت لـه عـيونـي .. سـم      يــطلّ الـصبـح ودمـوعـي بـطرف الـرمـش بـياتة

إذا صــار الــشرف يــهتـك ولا هـاتـك شـرف يـنذم      فــخلــني اتــعب أنـا شـعري واثـقِّل فـي عـباراتـه

ولا صــار الــوفــا ســلعة فـخلْ نـشري حـنان الأم      وخـل نشري السعاده من رضى الغرب ومجاراته

نـعم بـاقـي الأمـل فـينـي.. ولـكنْهـا هـمومـي كم !!      يـموت الـصبـح فـي عـينـي وتـتسـارع مـحطـاتـه

أشـوف الـليـل يـسبـقنـي لـبس ثـوب السواد وضم      بـحضـنه بـاقـيَ سْنـين الـعُمُر والـصُبْح ف سْباته

ألــملــم بــاقـي أشـتاتـي وزمـانـي مـا شـبع مِ الـلم      يــلمــلم لــي هــمومــه ثـم يـبعـثرنـي بـمرضـاتـه

أذمّك يــا زمــن وابــكي وأصـرخ مـن هـمومـي أم      تــكفّ الــعيــن مــدمـعهـا ويـخفـي الـقلـب دقـاتـه

مــعاد الــوقــت يــسعـفنـي لأنْ حـكم الـليـالـي عـم      نساني الوقت من صغري وحسبني بصف أمواته

لبسني الحزن في عرسه.. حفر فيني الجروح ودم      عـيونـي بـكحـلهـا الأحـمر.. بَحَر لـلحـزن وابـياته

ونـا لا جـيت أشرحلك وش اشرحلك يَ بنت العم !!      صــراخ الــهمّ يــجبــرنــي ولــكن صــعْب إثـباتة

ولا جــيت اكــتمــه يـشعـل بـنار ٍ فـي الـحنـايـا ثـم      أجــيلــك والــبكـا شـعر ٍ صـعب تـقريـن مـأسـاتـه

لأن كــاس الـحِزِن مـاهـو لـمن مـثلـك رهـيف الـكُم      بـريئ الـوجـه مـا عـدّى الـشواطـي لـبحْر دنـياته

وانـا كـاس الـحِزِن كـاسـي.. فـقط لـنّي حـويت اليم      ومـن يحوي الحِزِن لابُدْ.. (غَصِبْ) يحمل معاناته