ميعـــــــــــــــــــــــــــــــاد
 

يطول الوقت وأنتظر منه ميعــــاد

                        وأكذب على نفسي وأقول انه ما يجيني

ما أدري تغلي والا زعل وإلا عناد

                        والا بغيابه ما أحتمل يذكر حنينــــــــي

شوقي فضحني وأول الهم ميــــلاد

                        ودمع نثرتــه مابين جفني وعينــــــــي

ضويت لك عمري ونثرتني برمـاد

                        وتركت لي جمر الغضى يحتوينــــــي

يشتاقلك كلي وشوق داخلي يـــزداد

                        ما هو بكيفي لا ذكرتــك ياضنينـــــي

ضنيت بعدك قرب و قربي بعاد

                        والشاهد الله مادريتك ماتبينـــــــي

صار الوعد باكر وباكر ما بعد ينعاد

                        لامرت الذكرى على باقي سنينــــــــي

ان جيت أبنسى صاح بي الشوق ميعاد

                        وأكذب أيامي وأدري انك ما تجينـــي