زجاجة عطر

مـال قـلبـي عن دروبك وتَجه صوب الخطر      شافه ارحم من عذابك ونحنى لكبر خصومه

إنـت يـالـلي مـارحـمتـه يـوم شـفته ينشطر      مـارحـمتـه فـي عـذابـه روح لا ترجع تلومه

شفت نفسك من عطاك الرب واعماك البطر      بـان مـعدنـك الـزهـيد وجـاي تتباها تسومه؟

ولا أنـا آمـوت واحـيا فـطيـفك اللي لا خطر      فـي خـيالـي يوم تكشف عن تفاصيله غيومه

كـنت مـثل الـلي يـداري فـي بـساتـينـه فطر      غـره الـمظهر وفطره تشعل فجوفه سمومه

وكـنت أنا من زود حبي لك ولا عدِي سطر      فـي قـليـبي غـير احـلِي كـل زواياه برسومه

بـس أنـا ذا الـيوم أدعـي يـاعسا ينزل مطر      يـغسـل رسـومك وقلبي يرجع لسابق علومه

وانــت كــنت فــدنـيتـي كـنك زجـاجة عـطر      راح مــنهــا طــيبـها ومـابـقت إلـها لـزومـه