الأسى لو هو يفيدك ماحواك
والفرح لو دق بابك ماسمعته
لي متى وأنته تعاني في رجاك؟
لي متى تبكي قهر من هو قهـرته؟
يا كسير العين أرفعها تراك
تشتري جرحك ب حزن ن ما لمحته
لـ تّذمر واتهاون في بكاك
لو دريت الدمع فاضح ماذرفته
أرتجي رب ن كريم ن مانساك
واسأله /مالك سوى رب ن ذكرته
في عنا هالليل قلي من معـاكـ
من يآزر شدتك والهم نلته
من ف قسوة محنتك صبره عطاك
ليـن تصبح بلوتكـ ..ماضي عهـدته؟!
رغـم كثــر الناس عايش في عنـاكـ
تحتـوي صمتكـ وصوتكـ ما عرفتـه
بسمتَكـ يرثي ملامحهــا بهــاكـ
والجمـال بـ ضيقتكـ جور" أسـرتـه
المصيـر اللي تشـوفه منتهــاك
ربمـا خيره يجي لك لـو سكنتـه
والضيـاع اللي تحسـّه في خطـاكـ
عانـده وامشيـه لاتخشـى عثــرته
|
