قـولوا لـ (خلّـي) لايجي/ماعـدْت أرجي جيتـه
لا يعـتذر ،مابـه عـذر يشـرح فعـل منـه صـدر
لايحتـري مني عـفو/لا يشتكـي لي محنـته
لا يستعيـن بـ صحبتي،ماني من اللي ينجــبر
مــاعاد له عندي أمــل والكـذب نفسي ملّتــه
ودّي..خلص لا يطلبــه ما عدْت لـ مزونـه مطـر
وإن زاد في نـوحه (رجـاءٍ) خلْ يداري دمعتـه
ماهي نشـامه فـ الرجل يبكي ولا عنـده صبر!
يحلـم بـ طلة بسمتي والحلــم أصبح غايتـه
مايدري بهــا قصتـه حرف انكتب بـ آخر سطـر
من دفتري سهل أمسحـه وإنْ راد.. بـ اقطع صفحتـه
عادي ولا بـ ازعل أبد دام الوفـا فيه احتضـر
دامـه نوى جرح القلــوب ومارحـم من حبتـه
لا عاد يتذلل ترا مالـه.. ذنوبٍ تنغفــر
لا تسألوني وش جرى؟ياكيف أوصف فعلتـه؟
خلّـي حرق بيت المحبــة ،دمـر ورود وزهــر
أشبع حنيني بالجفــا ،زوّد معاني قســوته
دوّر على قصـر الخيانة في ميادين الغـدر
أطفى شموعي فـ الظلام وصار حزني فرحتـه
طعنات رمحة مادريت إنها صويبـه فـ الظهر
حالي سقيـم وعلّتي (نايم صحى من غفلتـه)
دربي طويل وصاحبي شوكـٍ زرعه وما ثمر
يا (عزّتي) لا يكسـركـ حلو الكلام بـ رمسته
لا,لا يغرّك به ندم/لا تسمحيلـه ينتصـر
تعبــان؟ أدعـوا له عسى ربي يفرج كربتـه
يا ربّ يلقى له بديلي بين أصناف البشـر
لكـن أنا أرجع؟ أبد، مابي أهيـم فـ لعبتـه
ماعاد نافعني وجوده إنْ مشى ولا نطــر
في عمـركم شفتـوا غصـن مكسور يرقي منبتـه؟!
والطير لا منّه وقع واصبح جناحـه منكسـر..
يقدر سمـاءه يعتلــي؟يقـدر يعــاود هجــرته
هــذا ترا هــو حبنا (إنسان في حضن القبـر)
قولوا لـه[اللي كانت لـ صوتكـ صدى مالبّتــه
يعني نست حبكـ وصارت للعـواذل تحتقــر
هذا بـ ظنكــ ساذجـه ـ أوّل والأوّل عــافتـه
واليـوم منيتها تشـوفكـ في عذابكـ منقهـر]
لا يعتذر،لا يتنظـر،واحسن يروح بـ هيبتــه
ولـ جيته ما صرت أبغي (لا يجي ) بالمختصــر
|
