غـاده انـتي يـاجـنونـك عـاشـقه تـاج الـسياده
تــطلــبي مــني هــديــه تــطلــبي مــني قـتيـل
ذابــحلــك ألــف مــيه فــوقــهم عــمي زيــاده
وذابـحلـك بـنت عـمي ثـغرهـا يـشفـي الـعلـيل
وذابـحلـك نصف ربعي والأمير واكبر قياده
كـل هـذا ولا بـتسـمتـي ثـابـته شـموخ النخيل
اعــشقــينــي يــالأصــيلـه او ابـيديـني إيـباده
يــاغــرورك انــصفــينــي مـالـنا حـلن بـديـل
تــلعــبي دور الـفخـامـه جـايـده دورك اجـاده
تـخاطـبيـني كـالأميره من خلف جند وصهيل
مـاألـومـك لـو طـغيـتي او سـلبـتيـني السعاده
مــن هــو مـثلـك لاتـمرد كـثر الـشي الـظئيـل
مـن هـو مـثلك كحل عينه ماخذن مني شهاده
اعـشقـك مـليـون مـره ولايـجي عشقي هزيل
خـافـي ربـك يـالـتليده وارحمي خلقه وعباده
مــدمـره احلام جـيلـن مـن وراهـم ألـف جـيل
هـذا روض خـيل شـرد نـاظرك وفله جواده
وهــذا ســيد ابــن ســيد كـلمـك واصـبح ذلـيل
وهذا يومه من همومه ماعرف طعم السعاده
ابــتســمتـي فـي عـيونـه انـقلـب يـشدي يـليـل
هـذا لـيلـك مـن عـيونـك ماخذن قسوة سواده
وهذا نورك من خدودك منورن درب السبيل
وهـذا انـا مـن غلاتـك صـايرن عندي إيراده
حـامـلن مـوتـي بـإيـدي والـهوى حـملـه ثـقيـل
