يامعذب خافقي ماعاد لك عندي وجود
أنتهى ودّ السنين اللي جمع قلبي و قلبك
مات حبك والبقا ف راسك/ توّكل لا تعود
طاح شخصك من عيوني/صار دربي غير دربك
كنت تفرح بي حزينة كنت تتمادى الجحود
وإتجاهاتك ضياع" بعثرت شرقي ب غربك
هاتفي خلص رصيده يرسل و ما به ردود
ويتكدر خاطرك لو شفت رقمي متصل بك
كنت قاسي/كنت خاين/كنت تسمع للحسود
لين روحي ضاق همها واعلنت إعدام حبك
سيــد الأوجاع قلّـي وش يفيدك هالجمود
دام مات الودّ فينا وأصبح الخافق يذمك؟
لـ تّعجب ياعزيزي/ كل" بصده يجود
ذوق ناري دام شوقي فالحشا جار ولعب بك
المشاعر في وجودك صارت تنام وتنود
ملّ فيها الشوق وادمن هاجسي في كره قربك
ذاك أول في حضورك آتعداها القيود
وانْ خطيت وجرت أسكت لو يكون الجرح ذنبك
والأكيد الحين راحت فرحة" كانت تسود
عالمي لحظة وصولك وانتهت من جور كذبك
واسكنتني بعد ضيقه راحة البال بـ برود
وش بـ ظنك بآااتحسر لجل ترجع؟ لا وربك
أنت تدري كل فكره تحتوي صك وبنود
بس فكرة حبنا مشروع فاشل ماربح بك
والسبب يازين غشك في مراسيم العهود
للأسف مبنى ودادي أنت هديته بـ نصبك
شد حيلك في وفاة الحب وارحل، لاتعود
ياعسى ربــي يعيـن ويلهــم السلـوان قلبكـ
|
