يمه أنا في خاطري كلمة صغيرة واسمعيني
لاتلتهي عنها رجيتك/كلمتي جدّا" مهمه
لاتحزني مهما جرا لي وافرحي واروي سنيني
يكفي أشوفك ف ارتياح ودوم ثغرك فيه بسمه
لاتزعلي لو ضاق بالي والمصايب تشتريني
ربي قسمها لي ولازم أرتضيها منه قسمه
وإن حالتي بكت عيونك/فيض دمعك أنثريني
لا تستفزي كبريائك لجل جرح" فار دمه
أنتي ضيا ظلمة دروبي لو طفت شمعة حنيني
وأنتي دفا برد الضلوع وإن جفا حبك يضمه
لاتتركي للحزن مسلك يعبر ب لحظه أنيني
خليك يمه صامده مهما عذابي زاد ظلمه
كوني بـ قربي لو كسرني هالزمن ظلم اجبريني
أنتي دوا آهات قلبي لو ف يوم " زاد همه
تقفين لا تبكي ترا ب دموعك الحسرة تجيني
يزداد نوحي لو لمحتك والقهر يكويك يمه
أوجاع قلبي من بكائك وب دموعك تذبحيني
لاتجرحي قلب" غدت فرحه شفاهك أصل حلمه
هاذي أنا صار الشقا درب" سلكته واعذريني
أدري كلامي فلسفه توصف حزن قلب و تذمه
لكن بغيتك تعرفي زبده شعور" ذاب فيني
إن الحزن في ناظرك أصعب جرح روحي تلمه
|
