 |
قسم أحاسيس من القلب
صفحات البياض |
|---|
يا حروف الشعر خطي فوق صفحات البياض
وأسكني صــــــدر القصايد كالجواهـر والحُلل
يوم ريح الشــــوق هبت داعبت روس الفياض
قمت أهوجـــس فالضماير وأنهك الخافق وجل
يا وعـــــــد الأيام وينك ليش صابك الأنقراض؟
ومــن سما الأحباب تكفــى ليش سيلك ما هطل؟
أمحلت أرض المحبه يـــــوم زرع الحب قاض
وأقفرت أرض الأمانـــــــي يــوم غطاها المحل
ليت لــــو شاف المدامـــع يوم دمع العين فاض
وأكتشـف تأثير دمعــــــــــي عالمحاجر والمقل
ليت لـــــو يدري ويعلـــم ماحــدٍ فالخلق عاض
غــــــــــير زوله فالخوافي ما حد تجـرى ونزل
كل شــــــــيٍ فـــي غيابه صار يقبل بأعتراض
لــــــين صار الحزن يغزَل فوق أحلامـي غزل
قلت ببحث عـن أمانـي يوم برق الشوق لاض
وأنصدمـــــــت القلب يبحث بس لايوجـــد أمل
كنها الأوقــــــــات بـــعده صــار فيها أنتقاض
لا حكــــــــــم لا حــق يعني صار ما فيها عدل
والرياض ألـــي سكنها مــا بقت نفـس الرياض
والمدينه ألــــــــــي مشاها صــار يغشاها الملل
تذرف العبرات وأذكـــــر كلما قالــــوا عكاض
ســــــــــــوق لكنه فقلبي لـــيه تذكــــار ومحل
يلتقوا التجار فـــــيه ويعشقوا حــــــب القياض
بالتبادل فالتجاره وتنتقى أحـــــــــــــــلا الجمل
من قصيد ومن حكاوي ومن حكـم فيها أفتراض
تنفرض لليوم معـــــــــــــــنا وثقلها نفس الثقل
هذي هي قصه ومــــرت صغتها فــــوق البياض
جيت برويـــــــها لجلكــــم يـــــا عساهــــا تنقبل
|
|
|
| | |
