لحـظة عابرة غمرني فيهــا الشـوق إليهــا دياري ..رغم أنشغالي مازلــت ..أحنّ لـــها ..
مازلت طفلتها التي ترنو إلى موجها وتحدثه عن كل ما يختلج في نفسها الشقيــة ..
إليها ديــاري ..وددتُ الرحيــل ..ولـو كان بــ جنح طيــر
...
يا ديـــاري
وش ســواتي ؟
والبحــر ما بينـّـا !
ذكرياتي ،أمنياتي ،صوت موجكـ بـ اغنياتي
تذكرينـه ؟
أو تناسيتي أنينه ؟
يا ديار الخيـر مشتاقة أســولف
لــ البحر
لـ السفن في شاطئكـ
لـ الصخــر
لــ الصـدف ..ياكيف شالت لولئكـ؟!
لــ النوارس والطيـور
لـ الحدايق والزهــور
يــوم تنثر طيبهــا في جـوّ (صــــــــــــور)
...
يادياري
دام قلبي هــــــــــام حولكــ
مابعـدني عنْكــ شارع
لـو تطّـول هالمســافة
نبض حبـي بكـ تســارع
ليــن وصّـــل شطـّ أحلامــي وطــافه
يا حسافـة
لو نبت لي ريش طاير
لجــل بـ جناحي أرفرف
فوق أنوار المــواني والحــواير
ليـــن أوقف
بعــدها عادي أطيح وأندفن في حضــن (صــور)
مايهمني هالألــم مهما وجعني
لو بـ آهاتــه ذبحني
لــو يعذّب خافقي همس القبــور
لــو يودّعني نهــاري
المهـــم مــتّ فــ ديـــــــــــاري ...
|
