طيـــف وافـــي
بعيـــد و طيفــــك الوافـــي لعهـــد الحـــب ما يرحـل
يجي دايــم يسولـــف لــي وذكــرك فالقلــوب انرص
سـوالـــف ذكرتنـــي بـــك ، أنـــا اللــي كنـــت أتملل
أعيـــده ذكـــرك فـ نفســـي واذا أنســـاك اتغصـــص
"تظـــن ايامنا بترجــع ؟" سألتـه بس حفظت الحـل
و شفـــت آمالي بـ سكوتـه فِـ صــدر الياس تتقـلـَّص
طبيعي دامـــه "الوافــــي" مجــرد طيف رح يخجل
بعد مـــا صاحبه أحْـــرَق بقايــا قلــب .. و ترخـَّــص
أمـد ايااااد الحلـــم أبغــــي الإجابــــه كنـــي أتســوّل
أبي يصـــدق حلمْ مبنــــي بـ كذبــــة خلتــه يرخـص
نشـــارك بعضنـــا بـ افــراحنــــا ، لكننــــي أجهــــل
بـِ أنـــي من عرفتـــك صـــرت بالأحـزان متخصـص
رحلـــت و تتبعــــك عين ٍ بقـــت فـ الظـــل تتــــأمل
تشـــوف اللـــي سكنها أمـس صار اليوم ماله خص
عرفتــــك دوم متســـرّع ، وجيـــت تخـون مستعجل
خذيت النــص مـن هذا الفــرح بس الشقا مَـ انقـّص
لـــي افراحـــي ، لك افراحـك ، عداله بس ابي أسأل
علامــه هـ الشقـا اللي بيننا ما ينقسم بِـ النص .....؟
|
