جيت ودّي ينجلي همي برحله في ميادين البحور
واعبر أوجاعي بمركب ،به أجدّف لين شوقي أنثـره

بذبح الذكّرى م دامي راح أوصل واقتل الحزن بـ غرور
واحرق الكون وأترجم راحتي بـ اجمل حروف مسطـّره

عاف قلبي نبض جاير شال حزني(زرع)وآهاتي(بذور)
دمّ أنزف من عيوني والخدود الحاميـة مـــا تقدره

وش جبرني أتركـ الفرحـة وأغادر ،وأسرق الجرح بـ سرور
غير حلم "ن" قلت يمكن فيه أكبر باجتهادي واحضـــره

ماقدر قلبي غياب ولا قدر فكري يساويني حضــور
والخفـوق أن قلت بـ اسلى دوم تطري لي صَور متناثره

تغزو البال وتدهور عقل بنت"ن" صاحت الحسـرة دهــور
تشتكـي واقع جبـرها تسكـن الهـمّ وتحـدّق فــ نْظَـره

مالهتنـي ضحكة"ن" عنها(دياري) خلفها حزن و فتـور
دايم"ن" بالي يناصـر ذكـرياتي والأمــاني تنكـره

خاطرة حبّ"ن" بكتني غيـمة"ن" عـاند مطـرها فـ الظهور
حاولت تنثر عطـرها بين وديان الصحـاري تنشــره

وش يفيد المـاي دامـه قد تجـمّـد والعطش عيّـا يثـور
قيـل أنّ النـار تأذي من وطـاها ،واحرقتنـي أشْكـره

صحت يمه أبنك العاثر بحظه مندفن وسط القبور
يكسر الخاطر وحاله مثل كاتب جف حبر ب دفتره

تذكريني بعد يمه؟تنطريني عند بابك والزهور؟
ترقبي طيفي و صبرك ماتغير؟ طول بعدي يقهره؟

ذا حنيني جاك يمه يشرح اللي صابني من هالأمور
غربة"ن" تكسر جناحي (طير حاير كيف جرحه يجبره)

مـا بقى للصـبر فينـي إحتمـال و ضاع دربي فـ العبـور
بـ تركـ الرحلـة واسـافر لجـل دمـع"ن" خان عين"ن" ساهـره

للعـفيّه جيـت ضامي أسبق اللحظـة ب أيـام وشهــور
جيت أدفن حزن فاني ثم أبدد وهم ليلة ماطره

جيت شايل في ضلوعي قلب دقاته تنادي صور صور
تارك ن خلفي طموح وحلم ماكث في ربوع العامره