ليلة زفاف

ما كان ودي أجي// (قلبي سحب رجلي) !!      ولـو كـان بـيدي مـحالـه خـطوتـي لـجلـك

أجـيك؟! غـصبـن عـلي (مـبروك) يـا خـلي      (لــيلة زفـافـك!! وخـلك جـا يـباركـلك) !!

الـــيوم بــالــذات//(أســكت) نــاوي أخــلي      (صـمت الـمجـاريـح) يـستـشهد بما يملك:

هـذي دمـوعـي الـحزيـنه جـات تـشهـدلي،،      وأعـذر دمـوعـك فـرحـها خاف يشهدلك!!

حــاولـت تـخفـي شـعورك والـكحـل يـغلـي      ألـين فـاضـت عـيونـك وأفضحك كحلك!!

هــزيــت جــذع الأمــانــي وطـاحـلك ذلـي      رضـيت ذلـي؟! وأنـا أذبـح من رضا ذلك

يــفداك طــوعــا" ولــكن لــيش بـس قـلي؟      (أخـترت تـاريـخ ذكـرانـا لـجل حـفلك)!!

مــا خــلت عــذر الــموانــي يـأسـها يـالـلي      أتـقول: (صـبرك يـأس واليأس ذا يهلك)!

وأنــا ((عــشانــك)) تـبنـيت الأمـل طـفلـي      يـكبـر غـيابـك ويـكبـر طفلي ل وصلك!!

حــتى الــبطــاقــه وأســمك فــوق مــتعــلي      عـينـي أكـذبـتلـك مـع أنـها مـكذبت قبلك!

وألــحيــن أشـوفـك!! بـعد أذنـك أبـا أصـلي      كــرســيك قــبر الأمــانـي والـقبـر مـلك!!

كـنت الـعقـاب و جـناحـك بـعض مـن كـلي      طـلت الـسحـاب وبـعدهـا خـنت مـن شلك

هـانـت لـيالـي الـشتـا وتـصيـحلي من لي؟!      وأنــزعـلك الـجلـد ((هـذا كـل مـا أمـلك))

وشــجره (هــنا) غــصنـها بـالـوهـم مـدلـي      مـاهـي غـريـبه// مـدام الـماء من وحلك!!

هـذا الـقدر شـمس صـحراء والـحزن ظـلي      مـن ويـن م سـلك دوربـي للأسف يسلك!!

والــليــل أقــسى طـبيـب يـعيـن مـن مـثلـي      وأنا بجروحي!! جرحني جرح ما يهلك!!

ورغـم (الـطعـون) إنـجبـرت آجيك يا خلي      بــيدي رســالـه بـعد مـالـقلـب بـاركـلك: :

((الــخيــميــائي أنــا والــكنـز هـو أهـلي))      خـط الـرسـالة عـشيـق أسـتشـهد بحفلك!!