ذاب كل الثلج بضلوعي
ثمْ تكسّر ليل ف عيوني
وقمت أتصبحك
قمت ألمّ الشوق ريحٍ
هزت أغصاني وتساقط لك خرز
ظلّ في عنقي خرز من شوق
بس يحكي عن جواب الأسئلة
بي حديثٍ من بياض الغيم
لأحلام الكلام
مرة يبقى صمت .. ويطيّر حمام
ومرة يصبح برد .. في ضلوعي صيام
بانت أشواقي وأسمائي وقصيدي
من حكايات وكلام
كنّه للمرمر وطن
الحجر اللي نقشته
هزّ أصلابه وتفجر
شي من ثغر الكلام
صار نبض لسيل ماطر
رغم ألوان السراب
والمكان اللي وصفته
بين خْصلات الغرام
صار يغريني بهمسه
وصرت لجلك آتعطر
منه أنفاس المكان
لاحواجز تعتريني
كل جدران المكان
مكسورة قدام الزمان
وتنهدم أشواق شرفه
كان لي هالحب صرفه
ما سترني إلا قلبك
ياوطن لجلك أعيش
أنت يا شوقي الجديد
موطن العام القديم
وانولد فيني جديد
ما ملأني إلا حبك
ياعشق هز الصميم
صرت أغرق..من نظر عينك لعيني
آآآه لو تدري وعمري
فاق للآمال حبري
يا عشق ذاك الوريد
صرت أمسك عود كحلي
ثم أرجع واتركه
ما أبي هالكحل
وذي عيوني من عينونك مُكحله
صرت في عيني حلم ما أجمله
كيف عني تلتهي؟
وأنا اقرأ في عيونك اسئلة
وكيف عنك ألتهي؟
دون ما احكي عن جواب الأسئلة