حزن الأرض

الـشعـر صـوت الـحنـايـا وحـلمنا المفقود      والـشعـر بـوح الـحنـاجر لو بغت تروية

وأنــا أهــز الــقصــايــد والـقصـيد يـجود      بــنت إذا مــال عــزمـي بـعزتـي أسـقية

للأرض والـعرض وأمـات الـعيـون السود      لــليــل والــشعـر وأبـياتـي ومـا تـحوية

مــديــت شــوفـي لـهو عـيب ولا مـنقـود      وأثـريـت حـرفي على ما يشتهي وأبغية

وصكيت قلبي على حزن(ن) كما الجلمود      أثــر الــليــالــي تــبيــن كــل مـا نـخفـية

فــي داخــلي غــصة كــلمـا تـغيـب تـعود      شــرات طـفل يـوم أن أمة بـغت تـجفـية

يــا ريــح عـدي تـرى صـم الأذان رعـود      ويا بحر هدي ترى في الجوف ما يكفية

أشــوف وقــتي تـشربـك مـثلـما الـعنـقود      عـزيـت نـفسـي عـن الهفوات والتشوية

ولـي مـر عـاذل ولا هـو عارف المقصود      يـبخـص حقوقي ولاني عارفة وش فية

الــناس أجــناس ذا وكــري وذا مــفنــود      والـحر الأشـقر كـفخ فـي جـو مـا يوفية

والـناس أضـداد والـحبـل الـقوي مشدود      والـجاهـل الـلي أذا صـاد الصقر يشوية

يــأ أمة الــديــن يـالـركـن الـشديـد الـعود      يــا خــير أمة كــتابــك لــيه مــا تــقرية

يــضحــك عــليـك الـبغـاث وأمة الـتلـمود      والـجرح يـكبـر ويـكبر محد(ن) أيداوية

والـــذل يـــنخـــر بــحظ الأمة الــمقــرود      مــن شــط دجـلة إلى أخـر حـدود الـتية

أبــيات تــنزف تــغالـب حـزنـها الـمفـرود       وأحلام تـدفـن ودمـع(ن) قـدسها ترثية

الله أكـــبر أذا حـــبل الـــرســن مــعقــود      فـي خـيل تـذري ذواري الـريـح وتهدية

مــن دار زايــد ديـار(ن) عـزهـا مـحمـود      مـديـت صـوتـي ويـا أرض الـعرب لـبية