نقطــــــة نظـــــــام
كتب - غابش بن عبيد البوسعيدي
من سمح لك تكسر ضلوع المرايا ؟!
من سمح لك تهدي الغافين بوح ؟!
قول ليه عديتها روس البرايا ؟!
قول ليه هديت ميزان وصروح ؟!
شايبك طاعن في سنه للمنايا
يسحب رجوله نهايات الجموح
شايبك دكتور أحداق وحنايا
لازم إتحطه ع راسك لا تروح
صاحت النجمات في عرس الخطايا
بين طعم التوت والحنظل وضوح
النهار يطير بجناح العطايا
ليه تلفي الليل مسمارٍ بلوح ؟
جيت للشارع طرابيد وشظايا
ما دريت أن الشوارع ألف روح ؟
جيت جدب الفكر مطعون النوايا
أحتراق الصيف / أسباب النزوح
سقت وجه الريح لأطراف الزوايا
لين طاح الشمع من فوق السطوح
لين ضجت بك عصافير ومطايا
نكسر غصن وتلاشا ورد دوح
غايتك تسحب تصاوير ٍِ عرايا
نرجسية ذات بأجوائك تلوح
لو حفرنا تربتك نحصد ضحايا
ماحفرنا اليم في وهج الطموح
السماء ترسل مدامعها سخايا
وإنت تحطبها غدافي للجروح
شوووف كيف إنهارت بإيدك مرايا
شوووف كم أجرٍ تعظم من سفوح .
|
