 |
قسم شعبي متنوع
.. في صحاري المستحيل |
|---|
نامت الزرقه بعيونك والمدينة للكسوف ...حالمة شقت سحاب الصدر من فرط الحنين
كان شمع الخوف يقرى عن اساميها الرفوف ..وكنت انا همس الرهان اللي يصافحها رهين!
وش للمدى
.. الا عيونك والنخيل
متشابهة كل النجوم بضحكتك
لو لامست اهدابك .. اطراف المدى
وش حيلته كل المطر
صوبك يميل
يتساقط بعين الضما
طاحت ورا شوفك
تواريخ وفصول..
مارتاحت الشمس بيمينك
و صار للعشب المعلق في ظفايرها سنابل
وش لعثمك ؟!هذي عصافيرك ..نجوم بساعتي
ثكلى ..ف موعدها ..عبورك ...؟!
في الحنــــــــــــــين
ياانتي ..اجمل من يتوه ظله بساعة نهار
يالنتي .. اخر من زرع وردة على صدر المدار
ياغالية مرو هنا كل الاحباب ..
تشابكت باقصى ضلوعي سنينك ..
كم غادرو والريح تفرش على الباب
رمش تعطر من يقايا حنينك
هم كلهم من بعد مارحتي اغراب ..
والارض تسال عن سحايب يدينك
ياشعاع ضاق فيني واتسع
يفرك المصباح من قل النصيب
في يديه الليل توه ماطلع
..والسواحل ..صوت تايه ..
في الغريب
كان يزرع للمواني ريح..
سالت اكفوفه .. اماني
للصباح ...
لين صوت الارض صيَر
عرق حبري :جاثمين
جاثمين!!
..باحت بسر الجحيم ..
مابقت
.غير ارتعشات المسا
في دفتره..
وكنت انا المحتاج شرفة
في سماها..
منتعل ذا الصبر..فمي
مااااااي بعروقي وكتابة
غيمة الناي بجبينك ..
ِوابل من نور..يرمي
جاي يحكي .. لك
. .سوالف
ماقرتها ها المدينة
كنتي انقى من رسم
انسان بشفاه السنين
واتني اطهر من طيوفك
ياسحاب ضم جنحانه
وعلمني اجيه
كان محرابي عجاج وكان لون الصبر خوف
وكنت رمز الجوع في ظل الخلود المستكين
آه يا قلب المواني من كسر عزم الحروف.؟
يندفن هالعمر وانتي شامخة مثل الانـــين
صرت ابطعن هالثواني وكان منديلي سيوف
سالفة صحت فتات الخبز في .. عين السجين !!!
يومها لف البحر رمل الحواري بالحتوف
ونام ذا الليل بضلوعي والهدب حارس امين !
هذه الليله هي الاولى
هذه الليلة هي الذكرى الكفيفه بالرحيل
جيت ابذكر بعد خمس سنين
وش معنى غيابك
ضايع بعينك ...
وانا الصمت القتيل
شفت هالدنيا حناجر
كلها صاحت عليك
وانا مثل الارض
لاصارت يباب
وانتي اجمل نهر
يجري في صحاري المستحيل!!!
|
|
|
| | |
