مدامعك الهميله

مـا تشوف الدمعه تنزل من مدامعك الهميله      ودهـا تـحكـي بـهمـومـك عـن معاناتك كثرها

دمـعتـك تـجهـل وجـودك عـالـمك فاقد دليله      مـفتـقد حـتى الـجهـات الاربـعه بـلجـه بحرها

مـا حـسبت حساب حب ما عرف قلبك مثيله      كـان مـغرم فـيك مـيت كـل حـياتـه لك هدرها

الـتقـيت بـحب زايـف وشـفت هـالدنيا جميله      وشـلت أغـلى حـلم صادق طفلة تحمل قدرها

كـم قـتلت بسهم غدرك حملها ولجلك تشيله      كـانـت الـبسـمة لـعيـنك وأنـت تـتعـمد كـدرها

ولـيش مـا تـجبـر ضـميرك لو تجامله بقليله      مـات كـل شـي كـان لجلك شافت بقلبك قبرها

كـنت تـتعـمد غـدرهـا وحـبك الزايف وسيله      أنت أول من عشقها وصرت أول من غدرها

مـاتـت أحلام بـنتـها فـي صـباح أعلن هديله      وكـان تسأل أي حكايه تموت في أول فجرها

سـافـرت وبـغير مرسى كانت الرحله طويله      بـين ذكـرى وبـين مـلجـا تلطم الموج بنحرها 

نورست من اجل تنسى جرحك ومنها تزيله      لـلغـياب الـلي يـداوي طـعنك ويحضن سترها

حـايـره بـظل الـخيـال وهـالـحقيقه مستحيله      مـا تـشوف الأ الـهمـوم المقبله تنزف حبرها

لا أمـانـي تـنتـظرهـا ولا حـلمـها تـستـخيـله      واي حـلم يـمر بـيهـا حـتى مـا يـلفـت نـظرها

يـعنـي انـها مـستـحيـله او تـقول انـها قتيله      بـعدمـا مـاتـت بـقلـبك ضـيعـت وردة عـمرها

وفـوق هـذا مـا رحـمهـا بس ما كمل جميله      ولا دفـن تـابوتها اللي صار من أعظم خبرها

بـس شـفت بـوسـط عـينـه دمعه تنزل ذليله      ما هو ليش انه غدرها بس عشان انه نكرها