يا ريـح.. هونك اذا مريتـي الـمنفى     لا تعصفيـن الشجر وأحـلام منكوبـه

لِّـمي عجاجك عن وْجوه البشر صرفى      واستاصلي الخوف جرِّي هالأمل صوبـه

ما عاد ينفع زمان الصـادق الأوفـى        وْلا عـاد يستر عيـوبه باقـي ذْنوبـه

لا يحزنِك لو تشوفـي هالحـزن ألفـا      وْلا يجرحك صوت موالٍ به عْـذوبــه

العُمر كفَـى وهذا الجـرح ما كفَـى        كل يوم ينـزف على ضحكات مسلوبه

يا ريح.. وينك أحس ان البـرِد أدفـى     من ضيقة الصدر لا من صابته نـوبــه

والعَبـره اللي تمور وما لقـت مرفـى        شافت من الضيم ما يستاهل التـوبـه

تخنـق ودادٍ سرى في داخلي واغفـى           لين الليالـي تحَـرَت آخـر دْروبـه

كذبة تساوت معاها صرخـة المنفـى          واحلام طاحت على نيران مشبوبــه