رهيبه حالتي والله رهيبه
حبيب القلب طول في مغيبه
هجرني بلا ذنوب ولا سبايب
اذوق الويل واشواقي لهيبه
دموع العين ع خدودي سكايب
اجرّ الونه والحاله صعيبه
احاول ابتعد واقول تايب
يرجعني الوله ماقدر اسيبه
من الاشواق قلبي صار ذايب
متى الايام ترحمني وتجيبه
رجيت الوصل يااغلا الحبايب
طلبتك من حشا ضيع نصيبه
احب وحبكم غيث وسحايب
يشافي علّت الجوف وطبيبه
ربيت وبالحشا رفّة هدايب
ياخلي محبتك والله عجيبه
حبيبي بحوركم فيهاّ الغرايب
متيم ضاع في غبّة حبيبه
|
