حـــــارة الحـــــــــــزن
تدري وش اللي يهون الجرح يا صاح
قبل الجـــرح يعلن علينــــــا انتصاره
منظر حسودك في بحر م الغبااا ساح
واكبر غبــــاوة يحســب انها شطاره
يسهر ليااالي ينسج لصبحه (وشاح)
يبغي يغطي الشمس باصغر ستاره!!!
جمع حطب ما جمعه ألف فلااااح
يبغي يولع فـ المحيطاات ناره!!!
ماهي غريبة ان لقى زلتي صاااااح
دامــــه يـــدور عورة ٍعند جــــاره
آبزرع ابياتـــي واذا طلعها طـاح
غصن الشعر ينزل ويحضنه تاره
تــاره تربص به قبل طيّحته رياح
كل الغصـــون تقــول ياااللخسارة
وتسيربه للي ملا (جونا صيااااح)
اللي ترك (عصفورنا) فـ احتضاره
راح وترك (صوره) للاحزان مفتاح
واليوم فـ احــــــزاني انا وسط حاره
ادروبها ظلمه/ مطر غيمهـــــا انياح
والصبح؟؟ تسمع به وطااال انتظاره
وانا ما بين اسكيكها كتلة جراااح
والورد يعلــــن في يميني انتحاره
فااااخـــر السكه مواوويل واشباح
وقلوب منقوشه عـ ذيـــك الحجاره
وحروفنا/والجرح/والدمع/ورماح
ومن شدة المنظر تصيح العباره
(كنت احسب عيوني لها دمع تمساح
الين شفت الدمـــــــع يبكي انكساره)
يا غايب ٍ والنور لو لاح...ما لاح
دام فـ جبينــــك مستقـــــــره وداره
بحفظ كتابك كله افراح واتــــــراح
يكفينـــي تنفض عن كتابي غباره
ومشكووور يا غايب على كل ما راح
عـــالصورة اللي صارت اليوم (حاره)
|
