حبيت مسقط ..

الــريــح هــبّت , و كــل ٍ غــلّق أبـوابـه      والــليــل خــيّم , و مـال الـنور لـغروبـه

و تـشابـك الـغيـم , و دنّ الرعد بسحابه      و أمـست مـخيلات وبـل الـنوّ مـسكـوبه

جـادت , و نـادت لـعشب الواد و شعابه      حـتى تـخضّر ثـرى طـعسـه و عـرقـوبه

و احـيى بـقلـبي طـواري بـعض أحـبابه      و تــجدد الـشوق فـي قـلبـي لـمحـبوبـه

خــلّ ٍ مــلكــني و فــينــي ثـبّت أطـنابـه      أهــواه و أهــوى مـعامـلتـه و أسـلوبـه

و الـناس تـحكـي و اكـثر الـناس كـذابـه      لا قــالــت أنـه بـزود الـحسـن أعـجوبـه

هــذاك أكــبر مــن الـتوصـيف و ألـقابـه      مـن شـاف حـسنـه بـدا يـستـغفـر ذنوبه

أخــاف مــنه و اهـابـه كـيف مـا اهـابـه      سـاعة أشـوفـه تـصيـر الـروح مرعوبه

الله أكـــبر عـــلى تـــرغـــيب إرهـــابــه      عـــزّالله انـــي بـــيده صــرت ألــعوبــه

لا صـوّب الـقلـب و الله صـابه , و جابه      غـصبـا عـن الـلي ماهو عاجبه بيصوبه

حـكيـه مـسلـسل , و يسترسل من لعابه      لا قــال كــلمة تــقل عــود ٍ يــغنــوا بـه

ودك تــجمــع حــصابـي الـدر بـخطـابـه      وتــقول أحــلى قـصيـدة حـب و عـذوبة

الله عـلى وقـت كـنت أمـوت و أحـيا بـه      يـوم انـي أقـرب لـزولـه من طرف ثوبه

حــبيــته بــعنــفوان الــقلــب و شــبابـه      وحـبيـت كل شي عرفته كان من صوبه

حــبيــت عــربــانــه و حــبيـت أعـرابـه      و حــبيـت (مـسقـط) لأنـها أكـثر دروبـه

بــردان أنــا بــعده و يــالــيت أدفى بــه      و يـالـيت (يـالـيت) تـنفـع نـفس مـتعوبه

الــشاهــد الله شــربــت الــمر بـاسـبابـه      و تـعذيـبه أعذب و أحلى كاس مشروبه

بصبر على اشواقه و بصبر على غيابه      و بضرب مثل في جميل الصبر و أيوّبه

عـلّ و عـسى فـي جـنان الـخلد أجزا به      دعـوة عـفيـف ٍ صـدق ربـه على التوبه